Gazel 2

Gazel 2

Acep bu derdümün dermânı yok mu
Ya bu sabr itmegün oranı yok mu

Yanaram mumlayın başdan ayaga
Nedür bu yanmagın pâyânı yok mu

Güler düşmen benüm agladuguma
Acep şol kâfirin imânı yok mu

Delüpdür cigerümi gamzen oku
Ara yürekte gör peykânı yok mu

Su gibi kanumu topraga kardun
Ne sanursın garibün kanı yok mu

Cemâli-i hüsnüne mağrur olursın
Kemal-i hüsnünün noksanı yok mu

Begüm Dehhâni’ye ölmezden öndin
Tapuna irmegün imkânı yok mu